Miar, d Neustadt-Fissla vu Khur, sind a ufgschtellti Kligga mit guat 12 Mitglieder, vu jung bis mitteljung. Miar bauend jedes Johr für d Fasnacht in Khur an tolla Fasnachtswaga und gönd mit däm an da Umzug.
Zudem händ miar sit as paar Johr a Bar am Churer-Fest. Das macht ainersiits viel Schpass und git anderersiits a paar Batzeli in d Kassa, wo miar für d Fasnacht oder für sus an gmüatlicha Alass brucha könd.
A K T U E L L * * * A K T U E L L * * * A K T U E L L * * * A K T U E L L * * * A K T U E L L * * * *********************************************************************************************************************
Miar sind uf dr Suachi no ufgschtellta Lüüt, wo dr Narra an dr Fasnacht gfressa und Luscht händ, üsera Kligga bidstreta.
Bisch du zwüsched 18 und 99, häsch Freud am Wagabau, suachsch gselligi Lüüt, dänn meld di doch bi üsem Vize-Fissel Remo Walt (079 689 26 88). Er freut sich uf dina Aruaf und verzellt diar gära meh über üs!
In dr Zwüschaziit wünschend miar eu alles Guati, viili guati Thema-Idea und bis bald!
